Glansverkstæðið er vinnustofa þar sem litir, glans og endurnýting mætast. Þáttakendur læra að að umbreyta skóm úr leðri eða gervileðri í litríkar og glansandi gersemar með málmfólíum (imitation gold foils) og skapandi uppskrúfun. Ég legg áherslu á létt andrúmsloft þar sem vandað handverk, gott spjall og þægileg samvera er í fyrirrúmi.
Allt efni á staðnum er innifalið auk þess sem að vinnustofu lokinni færðu viðgerðarpakka með þér heim ef þarf að dytta og til að setja verndandi lag yfir málmhúðina.
Fá pláss – lítill hópur: Alla jafna eru fá pláss í boði á hverri vinnustofu. Að lágmarki 6 og að hámarki 12 þátttakendur, til að tryggja góða leiðsögn.
Hér fyrir neðan eru algengar spurningar, hvað fyrri þáttakendur hafa um námskeiðin að segja, frekari upplýsingar um Glansverkstæðið og hlekkir á næstu námskeið
Næstu námskeið og glansvörur
-
GlansverkstæðiðMálmfólíur
1.890 kr.Select options This product has multiple variants. The options may be chosen on the product pageClearAntík silfurBlárBleikurBrúnnFjólublárGrænnGullGulurLjós fjólublárLjós grænnLjósblárLjósbleikurRauðurRósagullSilfurSvarturTúrkís
Algengar spurningar
Ég er ekkert sérstaklega flink/t/ur í handavinnu. Get ég samt tekið þátt og fengið flotta útkomu?
Algjörlega! Ferlið er þannig að það krefst ekki mikillar fínvinnu. Farið er yfir hvert skref fyrir sig og hvað þarf að gera til að útkoman verði sem best. Það eru alltaf bara litlir hópar svo allir ættu að geta fengið aðstoð og leiðsögn sem þurfa þess.
Hversu vel tollir málmfólían á skónum? Mun hún flagna af í rigningu?
Málmfólíurnar nuddast af og það fellur á þær ef þær eru ekki varðar. Allir þátttakendur fá þess vegna viðgerðarpakka með sér heim. Í pakkanum eru nokkur málmblöð í þínum lit og lím ef þarf að setja yfir skellur sem yfirsást eða núningssár. Einnig fylgir með lakk, pensill og leiðbeiningar um hvernig á að setja verndandi lag af lakki yfir til að málmhúðin haldist heil og falleg sem lengst. Málmurinn fer ekki af í vatni en hann gerir skóna heldur ekki vatnshelda ef þeir voru það ekki fyrir
Hvernig skó á ég að koma með? Skiptir liturinn máli?
Best er að koma með skó sem eru að mestu leyti úr leðri, gervileðri (einnig nefnt PU, pleður eða vegan leður) eða plasti. Með þessum efnum verður áferðin heil og falleg. Glansinn kemur því miður ekki vel út á taui eða loðinni áferð líkt og flaueli eða rúskinni. Ástæðan er sú að til að halda gljáanum þurfa fólíurnar heilt yfirborð. Þegar yfirborðið er gljúpt situr límið oft eftir á milli eða undir þráðum svo fólíurnar ná ekki að sitja almennilega og yfirborðið endar klístrað og óheillandi.
Hvað er innifalið í vinnustofunni?
Allt nema skórnir! Innifalið er 3–4 klukkustunda kennsla og leiðsögn, öll verkfæri og efni, málmfólíur fyrir vinnustofuna, kaffi/vatn og viðgerðarpakkinn sem þú tekur með þér heim. Ef þú ert hins vegar með efnismikil hnéstígvél, mjög flókna hugmynd eða þessháttar sem ekki tekst að klára á vinnustofunni þá er í boði að kaupa/panta það efni sem uppá vantar til að klára.
Þarf ég að koma með skó?
Nei, ekki endilega. Sumir hafa glansað veski t.d. Ef þú átt ekki skó sem henta þá mæli ég þó með því að þú athugir hvort einhver í kring um þig á skó sem væru til í annan lit eða að kíkja í verslanir sem eru með notaða skó (Rauða kross verslanir, hertex og loppuverslanir) og jafnvel finna eitthvað sem passar litríkum einstakling sem þig langar til að gleðja.
Hvað gerist ef ég á miða en kemst ekki?
Vegna takmarkaðs sætaframboðs eru miðar ekki endurgreiddir, en þeir eru fullkomlega framseljanlegir. Þú mátt gefa vini sætið þitt, eða heyra í okkur með 48 klukkustunda fyrirvara til að athuga hvort hægt sé að færa þig yfir á næstu lausu vinnustofu.
Býður þú upp á sérbókanir fyrir saumaklúbba, gæsun/steggjun eða fyrirtækjahópa?
Já! Glansverkstæðið er frábært fyrir allskonar hópa. Við getum eflaust fundið dagsetningar og staðsetningar sem henta ef fyrirvarinn er nægur. Hafðu samband í ogn@ognicelandic.is fyrir nánari upplýsingar og bókanir.
